საერთაშორისო საზღვაო ორგანიზაციის (IMO) ხელმძღვანელმა არსენიო დომინგესმა განაცხადა, რომ ჰორმუზის სრუტეში ჩარჩენილი 8 500-ზე მეტი მეზღვაურის უსაფრთხო ევაკუაცია ამ ეტაპზე შეუძლებელია. მიზეზი ირანის მხრიდან უსაფრთხოების გარანტიების არარსებობაა — ოპერაცია მანამ ვერ დაიწყება, სანამ თეირანი არ დაადასტურებს, რომ სამაშველო გემებს თავს არ დაესხმება.
„IMO მზად არის ევაკუაცია დაუყოვნებლივ განახორციელოს, როგორც კი შესაბამის უსაფრთხოების გარანტიებს მიიღებს“, — განუცხადა ორგანიზაციის გენერალურმა მდივანმა CNN-ს. კრიზისი მას შემდეგ გამწვავდა, რაც ირანმა სრუტეში ერთ-ერთ გემზე თავდასხმა განახორციელა, რის გამოც საერთაშორისო ოპერაცია იძულებით შეჩერდა.
