იაპონურმა საავტომობილო ფირმამ Honda 4,5 მილიონი მანქანა გამოიწვია გაუმართავი უსაფრთხოების ბალიშების გამო. პრობლემა, როგორც იტყობინებიან, Takata-ს ფირმის ბალიშებია, რომლის გამოც უკვე გამოიწვიეს მანქანები ისეთმა ფირმებმა როგორიცაა Toyota Motor Corp., Nissan Motor Co., Honda და General Motors.სპეციალისტების თქმით, Takata-ს ბალიშები იშვიათად აქტიურდება, დარტყმისას კი მეტალის ფრაგმენტები ცვივა.
არსებული მონაცემებით ეს დეფექტი უკვე მინიმუმ 8 ადამიანის სიკვდილის მიზეზი გახდა. გუშინ ანალოგიური მოხდა ნისანის მარკის მანქანაზე, მაგრამ საბედნიერდო არავინ დაშავებულა.
ჰონდას განცხადებით, მიღებული გადაწყვეტილება სამხრეთ ამერიკის ქვეყნებს არ ეხებათ.
რამდენიმე დღის წინ Hyundai-მაც 140 ათასი მანქანა გამიწვია უსაფრთხოების ღვედის დეფექტის გამო.
ორი თვის წინ Takata-მ აღიარა რომ 34 მილიონი მანქანის ბალიში უვარგისი იყო.
2008 წლიდან ჰონდამ ბაზრიდან 24,5 მილიონი მანქანა გამიწვია რომ ბალიშები შეეცვალა.
Takata, როგორც ავტოკომპანიები ამბობენ, ყველა გამოწვეულ მანქანაზე პასუხისმგებლობას იღებს.
