BBC-ის ინფორმაციით, ისრაელის ჩრდილოეთ ნაწილში, ლიბანიდან სარაკეტო იერიშის განხორციელების შედეგად, ორ ავტომობილს ცეცხლი გაუჩნდა, რის შედეგად ერთი ადამიანი დაიღუპა.
„ლიბანიდან ჩრდილოეთ საზღვრის გასწვრივ მდებარე თემის მიმართულებით რაკეტის გაშვება დაფიქსირდა. არის ზიანი და არიან დაჭრილები“, – აღნიშნულია განცხადებაში, რომელსაც ისრაელის თავდაცვის ძალები ავრცელებს.
თავდასხმაზე პასუხისმგებლობა „ჰეზბოლამ“ აიღო და განაცხადა, რომ მათი სამიზნე ისრაელელი ჯარისკაცები იყვნენ.
