ვრცელდება დაჯგუფება “ჰეზბოლას” გენერალური მდივნის ნაიმ ყასემის მიმართვა, სადაც ის ამბობს, რომ “ჰეზბოლა” ნეიტრალური არ იქნება:
„ირანის მტკიცე პოზიცია არ გვათავისუფლებს ირანის გვერდით დგომისა და მისთვის ყველანაირი მხარდაჭერის გაწევის პასუხისმგებლობისგან. ჩვენ არ ვართ ნეიტრალურები და შესაბამისად ვიმოქმედებთ“.
შეგახსენებთ, აშშ-მა უკვე გაგზავნა ლიბანში თავისი ოფიციალური წარმომადგენელი, რომელიც ლიბანის ხელისუფლების წარმომადგენლებს შეხვდა და განუცხადა, რომ თუ “ჰეზბოლა” დაპირისპირებაში ჩართვას დააპირებს, აშშ ამას პირდაპირ მუქარად აღიქვამს და ოპერაციის მსვლელობაში ჩაერთვება. აშშ-ის წარმომადგენელმა ლიბანს განუცხადა, რომ “ჰეზბოლას” ჩართვა ამ კონფლიქტში “ძალიან, ძალიან, ძალიან ცუდი გადაწყვეტილება იქნება”.
