ჰესი, რომლის მშენებლობაც პანკისის ხეობაში იგეგმება, საქართველოს ენერგეტიკის უსაფრთხოებისთვის არაფერს წარმოადგენს

თაიმერი timer.ge
: თაიმერი timer.ge აპრილი 22, 2019 14:00

ჰესი, რომლის მშენებლობაც პანკისის ხეობაში იგეგმება, საქართველოს ენერგეტიკის უსაფრთხოებისთვის არაფერს წარმოადგენს

პანკისის ხეობაში ხუთ მეგავატიან ჰესს გარემოზე სერიოზული გავლენის მოხდენა არ შეუძლია, მოსახლეობის მოთხოვნა, რომ ალაზნის პირას საძოვრებს დაკარგავენ, აზრს მოკლებულია, – ამის შესახებ საპარლამენტო უმრავლესობის დეპუტატმა, რევაზ არველაძემ განაცხადა.

„ჰესების მშენებლობას ყველგან რომ მოსახლეობის წინააღმდეგობა შეხვდა, ეს მოსახლეობის გაუთვითცნობიერებულობაა. ნებისმიერი ობიექტი, რაც არ უნდა ააშენო, გარემოზე გარკვეულ უარყოფით ზემოქმედებას ახდენს. რაც დიდია ობიექტი, ასეთი გავლენა მით მეტი იქნება.

რაც შეეხება პანკისის მცირე ჰიდროელექტოსადგურს, 5 მეგავატიანს, ჩემი აზრით, მას გარემოზე არ შეიძლება სერიოზული გავლენა მოეხდინა. მოსახლეობის პრეტენზია, რომ ალაზნის პირას საძოვრებს დაკარგავენ, აზრს მოკლებულია. მეორე მიზეზი, თითქოს იქ ტურისტები ჩამოდიან და აღარ ჩამოვლენ, ესეც უსაფუძვლოა“,- განაცხადა არველაძემ.

მისივე თქმით, თუკი მშენებელი კომპანია და დამპროექტებელი მოლაპარაკებული იყო მოსახლეობასთან, რომ მათ შესვლას პროტესტი არ მოჰყვებოდა, რისთვის მიმართეს ეკონომიკის სამინისტროს და პოლიცია რატომ გაიყოლეს. როგორც არველაძე ამბობს, ერთადერთი, ვინც გუშინ პანკისის ხეობაში სწორად იქცეოდა, ეს პოლიცია იყო.

„მიმაჩნია, რომ პირველ რიგში არასწორად მოიქცა დამპროექტებელი და მშენებელი, ამ ჰესის მესაკუთრე. ამ ჰესის მშენებლობა შარშან დაიწყო და მოსახლეობამ შეაჩერა. თითქმის მთელი წლის განმავლობაში ადგილობრივ მოსახლეობასთან კომუნიკაცია იყო. თითქოს მოსახლეობასთან ყველაფერზე მოლაპარაკებული იყო, მაგრამ თუ მშენებელმა და დამპროექტებელმა იცის, რომ მოლაპარაკებულია და წინააღმდეგობა არ იქნება, ეკონიმიკის სამინისტროს რისთვის მიმართავს, რომ პოლიცია გააყოლოს. როდესაც მოსახლეობამ წინააღმდეგობა გაუწია და ქვის სროლა დაიწყო, სპეცდანიშნულების რაზმი შემდეგ გამოიძახეს. ერთადერთი ვინც სწორად იქცეოდა, ეს სწორედ პოლიცია იყო. ჩვენ თუ ვართ სახელმწიფო, სახელმწიფო უნდა ვიყოთ. კანონს ყველა უნდა დაემორჩილოს“,- აღნიშნა დეპუტატმა.

რევაზ არველაძის განცხადებით, კონკრეტულად ის ჰესი, რომლის მშენებლობაც პანკისის ხეობაში იგეგმება, საქართველოს ენერგეტიკის უსაფრთხოებისთვის არაფერს წარმოადგენს.

„ეს ობიექტი საქართველოს ენერგეტიკისთვის არაფერს არ წარმოადგენს. ნულია მისი მნიშვნელობა. ახლა, რომ დაიწყეს ლაპარაკი, თითქოს საქართველოს ენერგეტიკული უსაფრთხოების დიდი მნიშვნელობა აქვს, კონკრეტულად ეს ობიექტი საქართველოს ენერგეტიკის უსაფრთხოებისთვის არაფერი არ არის. ადრე აშენდა „ხადორი “, 24 მეგავატიანი. იქ მართლაც უნიკალური ენდემური ჯიშის ხე – უთხოვარი გაიჭრა. მაშინ არავის ხმა არ ამოუღია“,- განაცხადა არველაძემ.

თაიმერი timer.ge
: თაიმერი timer.ge აპრილი 22, 2019 14:00

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


6,751
ვიზიტორი
დღეში
Powered By Google Analytics