ჰაკერმა Guccifer 2.0, რომელმაც აშშ-ს დემოკრატიული პარტიის ეროვნული კომიტეტის მონაცემების მოპარვაზე პასუხისმგებლობა აიღო, დემოკრატების მორიგი კონფიდენციალური ინფორმაცია გამოაქვეყნა – ჟურნალი Forbes-ი წერს.
გამოცემამ ჰაკერისგან 500 მეგაბაიტი ინფორმაციის წვდომის კოდი მიიღო. მასალებში შიდა ინფრასტრუქტურაზე, დონორებსა და ფინანსურ მდგომარეობაზეა მონაცემები.
Guccifer 2.0-მა გუშინ, 13 სექტემბერს დაუსწრებლად მიიღო მონაწილეობა ლონდონში მიმდინარე კიბერუსაფრთხოების შესახებ კონფერენციაზე – ის ტექსტით აუდიტორიას საკუთარ რეპლიკებს აცნობდა.
ჰაკერს დემოკრატიული პარტიიდან ათობით ათასი დოკუმენტი აქვს მოპარული.
ზოგიერთი ამერიკელი ექსპერტის თქმით, კიბერშეტევის უკან რუსეთი დგას.