გვყავს ხელისუფლება, რომელიც სახელმწიფოს მართავს იმ მეთოდებით, რა მეთოდებითაც პუტინი, წარმოუდგენელია რუსულ პროპაგანდასთან ბრძოლა რუსული მეთოდებით

მთავრობამ ამ გადაწყვეტილებით საფუძველი შეურყია იმას, რაზეც სახელმწიფო დგას

გვყავს ხელისუფლება, რომელიც სახელმწიფოს მართავს იმ მეთოდებით, რა მეთოდებითაც პუტინი, წარმოუდგენელია რუსულ პროპაგანდასთან ბრძოლა რუსული მეთოდებით – ამის შესახებ ექსპერტმა, ბათუ ქუთელიამ განაცხადა. როგორც ბათუ ქუთელიამ აღნიშნა, წარმოუდგენელია რუსულ პროპაგანდასთან ბრძოლა რუსული მეთოდებით.

„რუსული პროპაგანდა არის ნაწილი რუსული ჰიბრიდული ომის, რომლის მთავარი ამოცანაა წაშალოს ზღვარი ომსა და მშვიდობას შორის, მოხდეს ყველაფრის იარაღიზაცია, მათ შორის იმ მთავარი დემოკრატიული პრინციპის, რასაც სიტყვის თავისუფლება ჰქვია. სწორედ ამიტომ, დღეს მთელ დემოკრატიულ სამყაროში მიდის მსჯელობა, როგორ გავუმკლავდეთ რუსულ პროპაგანდას ისე, რომ პარალელურად დაცული იყოს მთავარი ფასეულობა – სიტყვის თავისუფლება. აქედან გამომდინარე, საქართველო არ არის გამონაკლისი. ერთ-ერთი მთავარი კომპონენტი, რომელზეც დღეს მსჯელობა მიდის არის, როგორ შეიზღუდოს დაფინანსება ასეთი ტიპის მედიასაშუალებების. ასე, რომ ჩვენი პარტნიორების დახმარებით, საქართველომ უნდა შეძლოს ამ გლობალურ ტენდენციაში გამოსავლის პოვნა. რეალურად დღეს გვყავს ხელისუფლება, რომელიც სახელმწიფოს მართავს იმ მეთოდებით, რა მეთოდებითაც პუტინი. ერთ-ერთი იშვიათი გამონაკლისის სახელმწიფო ვართ, როდესაც სახელმწიფო ოპერირებს ტროლების ქარხნით. ასე, რომ წარმოუდგენელია რუსულ პროპაგანდას ვებრძოლოთ რუსული მეთოდებით“, – განაცხადა ქუთელიამ.

banner
წინა სტატიაშიდიმიტრი ცქიტიშვილი : უნდა შეიქმნას სპეციალური კანონი, რომელიც დაარეგულირებს მინიმალურ ხელფასს
შემდეგი სტატიადავით ნარმანია : გაზის ტარიფის განსაკუთრებული ზრდა მოსალოდნელი არ არის