გვატემალას ლა-მერსედის ეკლესიაში იესო ქრისტეს ფიგურა არმიის გენერლის ჩინის გარეშე დატოვეს – ამის შესახებ ქვეყნის პრეზიდენტის ალექსანდრო პალმეირის ადმინისტრაციის პრეს-სამსახურმა გაავრცელა ინფორმაცია.
“პრეზიდენტმა და თავდაცვის სამინისტრომ ინიციატივას მხარი არ დაუჭირეს, რომელიც, ვფიქრობთ, რომ რელიგიური ჯგუფების წამოყენებული იყო ” – ნათქვამია განცხადებაში.
ლა-მერსედის ეკლესიის წინამძღვრის ორლანდო აგილარის თქმით, ქრისტეს ფიგურასადმი გენერლის წოდების მინიჭება მომავალი წლის 3 იანვარს უნდა მომხდარიყო.
ქვეყანაში ყველაზე ცნობილ ქრისტეს ფიგურას უკვე გააჩნია პოლკოვნიკის წოდება, რომელიც მას მე-19 საუკუნეში პრეზიდენტმა რაფაელ კარეროიმ მიანიჭა. პრეზიდენტმა ის ქოლერასთან ბრძოლაში მონაწილეობისთვის დააჯილდოვა, რომელიც გვატემალაში 1836 წელს მძვინვარებდა. ქრისტეს ფიგურას ქვეყანაში დაატარებდნენ იმისათვის, რომ მოსახლეობას გადარჩენისთვსი ელოცა.