გვარამია: “მიხეილ სააკაშვილი ცუდად არაა, მიხეილ სააკაშვილი ძალიან ცუდადაა”

“მიხეილ სააკაშვილი ცუდად არაა, მიხეილ სააკაშვილი ძალიან ცუდადაა” – ამის შესახებ საქართველოს მესამე პრეზიდენტის ადვოკატმა ნიკა გვარამიამ გლდანის ციხის დატოვების შემდეგ ისაუბრა.

უკვე ზედმეტად მიმაჩნია ჩემის მხრიდან მისი ჯანმრთელობის მდგომარეობაზე საუბარი. ერთადერთი შემიძლია ვთქვა, რომ ასეთი ფერის მიხეილ სააკაშვილი რამდენიმე დღის წინ რომ ვიყავი შესული, არ იყო, ასე სუსტადაც არ იყო, ადამიანი შემოვიდა კედელ-კედელ ასე ვთქვათ და რეალურად, ვერ დგას წესიერად ფეხზე. უკვე მგონია, რომ რამდენად სწორია რომ ჩამოყავთ, არ ვიცი, მე თვითონაც უხერხულად ვგრძნობ თავს იმიტომ რომ ჩემ გამო უნდა ჩამოვიდეს. რა საქმეც არ უნდა იყოს, ადამიანს არ აქვს კარგი შესაძლებლობა კი არა, პრაქტიკულად აღარ აქვს, რომ გადაადგილდეს. რამდენჯერმე ადგა ფეხზე და თავბრუ კი არ ეხვევა, ჩანს, რომ ქანაობს ადამიანი და ვერ იკავებს თავს. ვთხოვე, რომ დამჯდარიყო. მიხეილ სააკაშვილი ცუდად არაა, მიხეილ სააკაშვილი ძალიან ცუდადაა. ჩემი შეფასებით, კიდევ ერთხელ ვამბობ, მე ექიმი არ ვარ, მაგრამ სამწუხაროა, რომ ჩემი შეფასებების და იქ შემსვლელი ადვოკატების თუ პირების ამარაა დარჩენილი… მე ვფიქრობ, რომ უკუთვლა არის უკვე ჩართული და ამ კაცის მდგომარეობა, არ ვიცი…, – ამბობს ნიკა გვარამია.

წინა სტატიაშიიენს სტოლტენბერგი: უკრაინა და საქართველო ნატოს ახლო პარტნიორები არიან
შემდეგი სტატიასახალხო დამცველი სამედიცინო ექსპერტთა ჯგუფთან ერთად გლდანის ციხეში 20:00 საათზე შევა