გვარამია: არ შეიძლება წაყრუება და ენისმოჩლექა, როცა საქმე შენი ქვეყნისთვის გრანდიოზულ და დამღუპველ შეცდომას ეხება.

“მთავარი არხის” გენერალური დირექტორი ნიკა გვარამია ევროკავშირის უმაღლესი წარმომადგენლის
ჟოზეფ ბორელის იმ განცხადებას ეხმაურება, რომელიც მან საქართველო-ევროკავშირის ასოცირების საბჭოს რიგით მე-6 სხდომის დასრულების შემდეგ გააკეთა.

ნიკა გვარამიას Facebook-პოსტს უცვლელად გთავაზობთ:

“არ შეიძლება წაყრუება და ენისმოჩლექა, როცა საქმე შენი ქვეყნისთვის გრანდიოზულ და დამღუპველ შეცდომას ეხება.

ბატონი ბორელის მიერ მოხმობილ ეუთოს შემაჯამებელ დოკუმენტში, 2020 წლის 31 ოქტომბრის არჩევნები არაა შეფასებული, როგორ თავისუფალი და სამართლიანი.

ამის ნაცვლად გვაქვს მხოლოდ შემდეგი ჩანაწერი: “არჩევნები იყო ძირითადად კონკურენტული, ფუნდამენტური უფლებები და თავისუფლებები, ძირითადად, დაცული.”

ამ ჩანაწერის აკუმულირებით მივიღებთ free (თავისუფალ) სტანდარტს, მაგრამ ვერანაირად fair (სამართლიან) სტანდარტს. მსგავსი ტექსტი, რუსეთის არჩევნების შეფასებებშიც გვინახავს, მეტიც, უკეთესი ტექსტებიც.

free and fair არის ფორმულა და ეს ფორმულა იწერება სწორედ დოკუმენტში, თუ რა თქმა უნდა, დაკმაყოფილებულია. და როცა ეს ფორმულა არ წერია, ა. ესე იგი დაკმაყოფილებული არაა, და ბ. მისი ციტირება მცდარი და არაკორექტულია, სულ მცირე.

ps თუ მე ვცდები და რაიმე მეორე ეუთო არსებობს ან ეუთოს მეორე დასკვნა, სიამოვნებით ვიხილავდი”, – წერს ნიკა გვარამია.

ვირუსის ბლოკატორები
წინა სტატიაშინინო ბურჯანაძე: ,,ძალიან შეშლია, ბატონ ბორელს”
შემდეგი სტატიაღარიბაშვილი მელიას გათავისუფლებაზე: ამას მე არ ვწყვეტ, სასამართლოს გადასაწყვეტია