გვარამია – ახლა გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით

პარტია „ახალის“ ერთ-ერთი ლიდერის, ნიკა გვარამიას განცხადებით, სამოქალაქო აქტივისტ ნატა ფერაძეს საქართველოს დატოვება მოუწია, რადგან „სახელმწიფო გადატრიალების ბრალდებით დაჭერას უპირებდნენ“.

ამის შესახებ გვარამია „ფეისბუქზე“ წერს და ქვეყანაში მიმდინარე პროცესებს რუსეთსა და ბელორუსში არსებულ ვითარებას ადარებს.

„ახლა გავიგე, რომ ნატა ფერაძეს ოჯახთან ერთად მოუწია ქვეყნის დატოვება, რადგან დაჭერას უპირებდნენ სახელმწიფო გადატრიალების ბრალდებით.

მეგობრებო, ბელორუსში მეტი კი არაფერი ხდება! მეგობრებო, რუსეთში სხვანაირად კი არ იწყებოდა პუტინის დიქტატურა! მეგობრებო, სამშობლოს ასე კარგავენ ადამიანები: ჯერ ერთეულებს, მერე ყველა პატრიოტს უწევს ქვეყნის დატოვება! მხარდაჭერა ნატას და ყველა თავისუფლებისთვის მებრძოლს! ძირს უზურპატორი ივანიშვილი!“- წერს გვარამია.

banner
წინა სტატიაშიხალხის პროტესტი ბალდაში – მოსახლეობამ გზა გადაკეტა, ადგილზე დაძაბული იყო ვითარება
შემდეგი სტატიაღარიბაშვილი – მიუღებელია, როდესაც ჩამოდიან საგარეო საქმეთა მინისტრები და ჭკუას გვასწავლიან ოპოზიციის ტრიბუნიდან