“ამ საქმის აღძვრით მათ უთხრეს, რომ ისინი გვარამიას ჩმორები არიან, დავარქვათ სახელი ყველაფერს” – ასე ეხმაურება “მთავარი არხის” გენერალური დირექტორი, ნიკა გვარამია მის წინააღმდეგ დაწყებულ კიდევ ერთ გამოძიებას.
შოთაძის უწყება მიხეილ სააკაშვილის სასამართლოზე ნიკა გვარამიას პროკურორების შეურაცხყოფას ედავება.
“ეს უკვე აღარაფერში აღარ ეწერება, სასაცილოც არ არის, არის სირცხვილი. მიუხედავად იმისა, რომ მე ჩემი ძალიან დაბალი წარმოდგენა მაქვს იმ პროკურორებზე ვინც იქ იმყოფებოდნენ, პიროვნულად და როგორც კაცების მიმართ ეგეთი წარმოდგენა არ მაქვს, რომ ის სიტყვა ვუთხარი და იქ ხმა ვერ დაძრეს, ჩემი შეეშინდათ. თქვენ ნახეთ კადრები, ესმით მშვენივრად და მპასუხობენ კიდევაც. ასევე წარმოდგენა ეგეთი არ მაქვს ქალბატონ მოსამართლეებზე, რომ ამაზე რეაქცია არ ექნებოდათ, პროკურატურას პროტესტიც არ გასჩენია, არათუ ჩემთვის არ უპასუხია. რაც მთავრია, ეგეთი წარმოდგენა საკუთარ თავზეც არ მაქვს, რომ მე სამი ქალის თანდასწრებით, სასამართლო დარბაზში კაპრიზულ გამონათქვამებს გამოვიყენებ. ეს არა, გამოკვლევებულები, მე დავწერე, ფუძე არის სიტყვა კვლევა, ცნობილი უკაცრავად და ღადაობაა, ქალბატონი ელენე თევდორაძის და ზურაბ ჟვანიას მონაწილეობით”, – თქვა ნიკა გვარამიამ.
