გურჯაანის მუნიციპალიტეტის სოფელ კოლაგში, საკუთარ საცხოვრებელ სახლში 38 წლის მამაკაცი გარდაცვლილი იპოვეს.
ინფორმაციას „მთავარი ამბები კახეთიდან“ ავრცელებს.
ადგილობრივების ინფორმაციით, კაცი სახლში მარტო ცხოვრობდა. რამდენიმე დღის განმავლობაში ის სოფელში არ გამოჩენილა და არც სატელეფონო ზარებს უპასუხა, რის შემდეგაც მეზობლებმა მიაკითხეს და გარდაცვლილი აღმოაჩინეს.
წინასწარი ინფორმაციით, ცხედარს ძალადობის კვალი არ აღენიშნება.
ზუსტი გარემოებების დასადგენად, შემთხვევის ადგილზე სამართალდამცავები მუშაობენ.
