გურჯაანის მერის წარმომადგენელს სოფელ ჩუმლაყში, ფიზიკურად გაუსწორდნენ

თაიმერი timer.ge
: თაიმერი timer.ge მაისი 14, 2019 19:29

გურჯაანის მერის წარმომადგენელს სოფელ ჩუმლაყში, ფიზიკურად გაუსწორდნენ

სოფელ ჩუმლაყში გურჯაანის მერის წარმომადგენელს, ფიზიკურად გაუსწორდნენ. ზაზა რუაძეს დაზიანება თავის არეში აქვს მიყენებული. დაპირისპირება სოფლის ხელმძღვანელს ჩუმლაყელ ძმებთან, დავით და ბაჩანა ბერულაშვილებთან მოუვიდა. ინციდენტი სოფელში მიმდინარე ინფრასტრუქტურულ სამუშაოს მოჰყვა. ე.წ. ბაღის უბნის რეაბილიტაციის ფარგლებში გზა გათხარეს, რა დროსაც დაზიანდა ბერულაშვილების კუთვნილი წყლის მილი. ოჯახი კი მის აღდგენამდე, უბანში წყლის მიწოდების შეწყვეტას მოითხოვდა, რაზეც მხარეებს შორის ჯერ სიტყვიერი, შემდეგ კი ფიზიკური დაპირისპირება დაიწყო.

უკმაყოფილებას გამოთქვამენ ადგილობრივებიც. მათი თქმით, სანიაღვრე არხი მხოლოდ გზის ერთ მხარეს კეთდება. მომხდარ ფაქტს ადასტურებს სოფლის ხელმძღვანელი, ხოლო ფიზიკურ შეურაცხყოფას უარყოფს ბაჩანა ბერულაშვილი.

საქმეზე გამოძიება კი 126-ე, ძალადობის მუხლით დაიწყო. საგამოძიებო მოქმედებები ამ დრომდე გრძელდება. 219 მეტრიანი გზა რეგიონული პროექტის ფარგლებში კეთდება, რისთვისაც 138 ათასი ლარია გამოყოფილი.

თაიმერი timer.ge
: თაიმერი timer.ge მაისი 14, 2019 19:29

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


6,751
ვიზიტორი
დღეში
Powered By Google Analytics