გურიის რეგიონში თვითიზოლაციაში 47 პირი იმყოფება. აქედან, შვიდი პირი ლანჩხუთშია, ცხრა – ჩოხატაურში, 31 კი, ოზურგეთის მუნიციპალიტეტში.
ამასთან, როგორც დაავადებათა კონტროლისა და საზოგადოებრივი ჯანმრთელობის ეროვნული ცენტრის გურიის განყოფილების უფროსმა, არჩილ მჟავიამ აღნიშნა, თვითიზოლაციის წესების დარღვევისთვის ოზურგეთიდან სამი პირი იძულებით გადაიყვანეს კარანტინში.
„ჩვენ მუდმივად ვაკონტროლებთ ამ ადამიანებს. მათი ჯანმრთელობის მდგომარეობა სტაბილურია. თვითიზოლაციის წესების დარღვევისთვის ოზურგეთიდან სამი პირი იძულებით გადაყვანილ იქნა კარანტინში. ერთი ბათუმში, ორი მათგანი კი აბასთუმანში გადიან საკარანტინო ვადას“, – განაცხადა არჩილ მჟავიამ.
