გურიის გუბერნატორმა მერაბ ჭანუყვაძემ თანამდებობა დატოვა. ჭანუყვაძე თანამშრომლებს დღეს დილით დაემშვიდობა. გადადგომის მიზეზი უცნობია.
მერაბ ჭანუყვაძე გურიის გუბერნატორის პოსტზე 2017 წლის 23 აგვისტოს დაინიშნა. იქამდე ის ოზურგეთის მუნიციპალიტეტის გამგებელი იყო.
შეგახსენებთ, რომ გავრცელებული ინფორმაციით, დღეს პრემიერი ბახტაძე ყველა გუბერნატორს გაათავისუფლებს. პრემიერი სპეციალურ განცხადებას 11 საათზე გააკეთებს.
