ოზურგეთის მუნიციპალიტეტის სოფელ ვაკიჯვარში ხანძარს ამ დრომდე ებრძვიან. დამწვარია 10 ჰექტარზე მეტი ტერიტორია. ხანძარს მაშველები მთელი ღამის განმავლობაში ებრძოდნენ. როგორც გვითხრეს, დილით ცოცხალი ძალა გაიზარდა და მაშველებია რაოდენობა სამას აღწევს. ხანძრის ჩაქრობის პროცესში უკვე ჩაერთო სასაზღვრო პოლიციის ვერტმფრენი. ვაკიჯვარში, ქარსაფარ ზოლს ხანძარი გუშინ გაუჩნდა. ამ დროისთვის ხანძრის გამომწვევი მიზეზი უცნობია.