გურიას მოჭიდავეები კი არა პატრონი სჭირდება – ხათუნა გოგორიშვილი

თაიმერი timer.ge
ავტ.: თაიმერი timer.ge სექტემბერი 21, 2020 20:25

გურიას მოჭიდავეები კი არა პატრონი სჭირდება – ხათუნა გოგორიშვილი

ევროპული საქართველოს გურიის მაჟორიტარობის კანდიდატი, ხათუნა გოგორიშვილი, კონკრეტულ ოლქებში ნაციონალური მოძრაობის მიერ მაჟორიტარობის კანდიდატების დასახელებას ეხმაურება.

ხათუნა გოგორიშვილის თქმით, მის კონკურენტს სცემს პატივს, რადგან ის არის ოლიმპიური ჩემპიონი, თუმცა როგორც გოგორიშვილი აღნიშნვას, გურიას სჭირდება კვალიფიციური კადრი, რომელიც მოუტანს ამ რეგიონს გარდამტეხ ცვლილებებს.

გოგორიშვილი ასევე გამოეხმაურა კახა გეწაძის კანდიდატურას ის ის ბიზნესმენ გიორგი კალანდაძის(რიჟას) ხელის ბიჭად მოიხსენია. გოგორიშვილის თქმით, გეწაძე არ არის კანდიდატი, რომლისთისაც ამომრჩეველი დაირაზმება და მხარს დაუჭერს, როგორც ეს ენმ-ში თქვეს. გოგორიშვილმა აღნიშნა, რომ ასეთი კანდიდატების გამო არ უნდა ჩაშლილიყო ოპოზიციური გაერთიანება რეგიონებში.

„ოპოზიციიდან ჩემი მთავარი კონკურენტი გურიაში იქნებოდა, ვისაც „ნაციონალური მოძრაობა“ დააყენებდა და როგორც იქნა, თქვეს და ეს არის კახა ოქრიაშვილის და ცეზარ ჩოჩელის პარტიის წარმომადგენელი. მე არ ვიცნობ ამ ადამიანს და მხოლოდ პატივისცემა მაქვს, როგორც ოლიმპიური ჩემპიონის და მოჭიდავის მიმართ, მაგრამ მე მგონი, გურიას მოჭიდავეები კი არა პატრონი სჭირდება, პატრონი, რომელიც მათ ყოფით პრობლემებს მოაგვარებს.

ზესტაფონში „ნაციონალური მოძრაობის“ მაჟორიტარობის კანდიდატი კახა გეწაძე არის ხელის ბიჭი ე.წ. რიჟასი და როდესაც ორი თვის წინ „ნაციონალურ მოძრაობას“ თავი მოჰქონდა, რომ აი, ისეთი კანდიდატები ეყოლება, რომ დაირაზმება მთელი ამომრჩეველთა სპექტრი, ვისი გულისთვის დაირაზმება, კახა გეწაძის გულისთვის?! ამისთვის ჩაიშალა საერთო კანდიდატებზე შეთანხმება?! მე შემიძლია ვთქვა ერთი რამ, რომ საერთო მაჟორიტარობის კანდიდატებზე ოპოზიციის მხირდან რაც თბილისში მოხდა იყო ძალიან კარგი და შეთანხმება დარჩენილ 22 ოლქშიც რომ არ მოხდა, ეს იყო უბრალოდ კაპრიზი და ის კონკრეტული არგუმენტი, რომ „ნაციონალურ მოძრაობას“ ყველგან ჰყავს ვარსკვლავები, როგორც გამოჩნდა, ვარსკვლავებისგან შორს არიან“, – განაცხადა ხათუნა გოგორიშვილმა.

თაიმერი timer.ge
ავტ.: თაიმერი timer.ge სექტემბერი 21, 2020 20:25