“ხალხის ძალის” წევრი გურამ მაჭარაშვილი პირდაპირ ამბობს, რომ თუ გრანტების შესახებ ახალ კანონს ვინმე დაარღვევს, ყველა კანონის წინაშე აგებს პასუხს, მათ შორის, მისი თქმით, გამონაკლისი არც სალომე ზურაბიშვილი იქნება. საუბარია კანონზე, რომლის მიხედვითაც ციხეში წავა ყველა, ვინც ივანიშვილის გუნდის ლეგიტიმაციას არ აღიარებს.
ზურაბიშვილი იქნება თუ მაჭარაშვილი, თუ დაარღვევს კანონს, ის პასუხს აგებს, რა თქმა უნდა. ეს არის ჩვეულებრივი მოცემულობა, არავინ სარგებლობს ინდულგენციით და არც ყოფილი თუ არსებული თანამდებობით. ამიტომ, კანონში რაც წერია, ის უნდა შესრულდეს და თუ ვინმე დაარღევს კანონს, ის პასუხს აგებს კანონის წინაშე, – ამბობს მაჭარაშვილი.
