სამმა ნიღბიანმა შეიარაღებულმა მამაკაცმა აფხაზეთის დე-ფაქტო რესპუბლიკაში, სოფელ გუმისთაში ადგილობრივი ომარ მერცხულავა გაიტაცა. ის სოხუმში საიუველირო მაღაზიის მფლობელის ახლო ნათესავია, გამტაცებლები გამოსასყიდს ითხოვენ – ამაის შესახებ ადგილობრივი მედია წერს და მანქანის ფოტოს ავრცელებს, რომლითაც მამაკაცის გატაცება მოხდა. მანქანა სოხუმში იპოვეს ადგილობრივმა სამართალდამცველებმა. დე-ფაქტო რესპუბლიკის სოხუმის პროკურატურამ აღნიშნულ საქმეზე სისხლის სამართლის საქმე აღძრა.
