გულმოწყალება არ გვჭირდება, გვჭირდება საარჩევნო კოდექსი – ოპოზიცია “ოცნების” შეთავაზებაზე​

“ახალი საქართველოს” ლიდერი გიორგი ვაშაძე “ქართული ოცნება – დემოკრატიული საქართველოს“ გენერალური მდივნის, კახა კალაძის ინიციატივას გამოეხმაურა.

როგორც ვაშაძემ აღნიშნა, ოპოზიცია პროპორციულ საარჩევნო სისტემას მოითხოვს და სხვა, არანაირ შეთავაზებას არ მიიღებს.

“კომოს ტბიდან ჩამოსული კახი ძალიან გულმოწყალეა, დიდი მადლობა გულმოწყალებისთვის, მაგრამ გულმოწყალება არ გვჭირდება. ჩვენ გვჭირდება საარჩევნო კოდექსი, რომელიც უზრუნველყოფს სამართლიან საარჩევნო სისტემას, სადაც თითოეულმა ადამიანმა იცის, რომ ვისაც აძლევს ხმას, პროპორციულად იქნება პარლამენტში წარმოდგენილი. რას გვთავაზობს ახლა კალაძე?! იცით რაა, ბიჭებო დაწყნარდით, ადგილებს გამოგითავისუფლებთ. კარგად იყავი, დასთანხმდი იმას, რაც ჩვენ შემოგთავაზეთ. პერსონალურად, კალაძეა ამ ყველაფერზე პასუხისმგებელი. ის პირადად “აკაჩავებდა” დეპუტატებს იმისთვის, რომ მათ არ მიეცათ საკონსტიტუციო ცვლილებისთვის ხმა. ახლა ჩამოვიდა კომოს ტბიდან და დაგვცინის და გვეუბნება, რაღაც ოლქებს დაგითმობთო… შენი დათმობილი არაფერი არ გვჭირდება კახი და ჩართე იტალიური არხები და ნახავ, რომ ჩვენ მიერ წამოწყებულ მშვიდობიან პროცესებზე საუბრობს მთელი მსოფლიო და იმას, რასაც შენ აკეთებ, დაგცინის მათ შორის, იტალიაც,” – განაცხადა გიორგი ვაშაძემ.

banner
წინა სტატიაში“არ დავაყენებთ მაჟორიტარობის კანდიდატებს იმ ოლქებში, სადაც, „ნაცმოძრაობისა“ და დანარჩენ ოპოზიციას ექნება გამარჯვების რეალური შანსი” – კახი კალაძე
შემდეგი სტატიასაქართველო ევროპის საბჭოს თავმჯდომარე ქვეყანა 27 ნოემბრიდან იქნება