გუბერნატორი – რუსეთმა დონეცკის დაბომბვა დაიწყო – ერთადერთი სწორი გამოსავალი ევაკუაციაა!

რუსმა ოკუპანტებმა დღეს დონეცკის ოლქის დაბომბვა დაიწყეს, – ამის შესახებ ოლქის გუბერნატორი, პავლე კირილენკო იუწყება.

მისი თქმით, წინასწარი ინფორმაციით, ქალაქ დრუჟკივკაში სარაკეტო თავდასხმა მოხდა. დაზიანებულია საავადმყოფო, კულტურის სასახლე, საცხოვრებელი შენობები და სათამაშო მოედანი. ოკუპანტებმა სლოვიანსკში საცხოვრებელ სახლს დაარტყეს, რის შედეგადაც სახლის მეპატრონე ნანგრევების ქვეშაა მოყოლილი.

კირილენკოს თქმით, ადგილზე მაშველები იმყოფებიან. გუბერნატორი აცხადებს, რომ რუსებმა ასევე ცეცხლი გაუხსნეს ჩასოვოი იარში რკინიგზის სადგურს, სადაც რამდენიმე ადამიანი დაშავდა. ღამით კი ქალაქი ჰირნიკი დაბომბეს, რის შედეგადაც ორი მშვიდობიანი მოქალაქე დაშავდა და საცხოვრებელი შენობები და ინფრასტრუქტურა დაზიანდა. “ერთადერთი სწორი გამოსავალი არის ევაკუაცია!” – წერს კირილენკო.

წინა სტატიაშიმარტვილში „განახლებული რეგიონების“ პროგრამის პირველი ეტაპით განსახორციელებელი სამუშაოები დასკვნით ფაზაშია
შემდეგი სტატიაუკრაინაში რუსმა ოკუპანტებმა უკვე 37 200 ჯარისკაცი დაკარგეს