გიორგი გაბუნიას შესაძლო მკვლელობის საქმეში საერთაშორისო მეგობრების ჩართვას „ერთიანი ნაციონალური მოძრაობის“ წევრები ითოხვენ. გრიგოლ ვაშაძე შესაბამის უწყებებს მოუწოდებს, რომ საქმეზე მაქსიმალურად სწრაფად გასაჯაროვდეს დეტალები.
„მოვითხოვთ მაქსიმალურად სწრაფად დეტალურად გასაჯაროვდეს ამ დანაშაულთან დაკავშირებული ინფორმაცია. ზუსტად დადგინდეს არამარტო ამ დანაშაულის შემსრულებელი, არამედ ამ დანაშაულის ორგანიზატორი და დამკვეთები. ხელისუფლებამ დააფიქსიროს მკაცრი და შეუვალი პოზიცია ამ დანაშაულზე და არ დაიმალოს ისე, როგორც იმალება მაშინ, როდესაც საქმე რუსეთის ფედერაციას ეხება. კატეგორიულად მოვითხოვთ გამოძიებაში ჩართონ ჩვენი სახელმწიფოს მთავარი მოკავშირეები შესაბამისი უწყებები“,-აცხადებს გრიგოლ ვაშაძე.
