გრიგოლ ვაშაძე: დავამსხვრიეთ მითი, რომ ოპოზიცია სექტაა, რომელიც რაღაც ხმებს ვერ გაცდება

თაიმერი timer.ge
ავტ.: თაიმერი timer.ge მარტი 17, 2019 16:57

გრიგოლ ვაშაძე: დავამსხვრიეთ მითი, რომ ოპოზიცია სექტაა, რომელიც რაღაც ხმებს ვერ გაცდება

ჩვენ დავამსხვრიეთ მითი, რომ „ნაციონალურ მოძრაობას“ არ შეიძლება ჰყავდეს მოკავშირეები,- ამის შესახებ „ნაციონალური მოძრაობის“ ერთ-ერთმა ლიდერმა, გრიგოლ ვაშაძემ პოლიტიკური გაერთიანება „ახალი საქართველოს“ ყრილობაზე სიტყვით გამოსვლისას განაცხადა.

მისი თქმით, ასევე დაიმსხვრა მითი, რომ ოპოზიცია არის რაღაც სექტა და გარკვეული რაოდენობის ხმებს ვერ გაცდება.

„ჩვენ 2013 წლიდან ბევრი მითი დავამსხვრიეთ. ყოველი საარჩევნო კამპანია იყო უფრო წარმატებული, ვიდრე წინა. დავამსხვრიეთ მითები, ჩვენსს პარტიაზე ვლაპარაკობ, რომ „ნაციონალურ მოძრაობას“ არ შეიძლება ჰყავდეს მოკავშირეები. ამაყი ვარ, რომ გვყავს ისეთი მოკავშირეები, ისეთი პარტიები, ვისი ლიდერებიც ამ დარბაზში იმყოფებიან. ამაყი ვარ, რომ ერთ-ერთი მთავარი მოკავშირის ყრილობაზე ვიმყოფები როგორც სტუმარი. დავამსხვრიეთ მითი, რომ ოპოზიცია სექტაა, რომელიც რაღაც ხმებს ვერ გაცდება, რადგან, მაპატიეთ უნდა გავიმეორო, ერთკაციანი ვითომ პარტიები არიან მიკედლებული „ნაციონალურ მოძრაობასო“, თუმცა ყველას ვაჩვენეთ, როგორი არის გაერთიანებული ოპოზიცია და რა მძლავრი ძალა ვართ. თითქმის შიშველი ხელებით 900 000-მდე ხმა წავგლიჯეთ ამ ე.წ. ხელისუფლებას და ნახეთ რას ვუზამთ მაგათ საპარლამენტო არჩევნების დროს, როდესაც არ უნდა იყოს ეს არჩევნები“,-განაცხადა გრიგოლ ვაშაძემ.

შეგახსენებთ, პოლიტიკურმა გაერთიანებამ „ახალი საქართველო“ სასტუმრო „ბილტმორში“ რიგგარეშე ყრილობა გამართა.

 

თაიმერი timer.ge
ავტ.: თაიმერი timer.ge მარტი 17, 2019 16:57

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


9,127
ვიზიტორი
დღეში
Powered By Google Analytics