“აშშ-ს გრენლანდიაზე კონტროლის დამყარება კვლავ სურს”,- ამის შესახებ გრენლანდიის პრემიერ-მინისტრმა, იენს-ფრედერიკ ნილსენმა განაცხადა.
„გრენლანდიისა და მისი მოსახლეობის მიმართ აშშ-ის შეხედულება არ შეცვლილა: გრენლანდია უნდა იყოს დაკავშირებული აშშ-თან და იქიდან იმართებოდეს“, – განაცხადა ნილსენმა.
მისი თქმით, აშშ აგრძელებს გზების ძიებას გრენლანდიის დასაკუთრებისთვის და კონტროლისთვის.
„ჩვენ ყველანი ვცხოვრობთ მუდმივ გაურკვევლობაში იმის თაობაზე, თუ რა შეიძლება, მოხდეს ხვალ. გვინდა ეს ძალიან მკაფიოდ ვთქვათ: ეს მიუღებელია“, – თქვა ნილსენმა.
გრენლანდიის პრემიერ-მინისტრმა ასევე აღნიშნა, რომ თუ ქვეყნები არ დაიცავენ საერთაშორისო სამართალსა და წესებს, მაშინ დიდი სახელმწიფოები მსოფლიოს დაყოფის რისკებს ქმნიან, სადაც თავისუფლება და თვითგამორკვევის უფლება აღარ იარსებებს.
