„გრანტის მართვის სააგენტოს“ თანამშრომლებს პრემიებს მისცემენ. ამის შესახებ ირაკლი კობახიძის 25 დეკემბრის განკარგულებაშია ნათქვამი.
დოკუმენტის მიხედვით, საშტატო ნუსხით დასაქმებულ სამ თანამშრომელს გადაეცემა ჯამში 21 ათასი ლარი, ხოლო შტატგარეშე თანამშრომლებს – 17 ათასი ლარი.
განკარგულებაში წერია, რომ ფულადი ჯილდო გაიცემა „დაკისრებული უფლება-მოვალეობების კეთილსინდისიერი შესრულებისა და შრომის სათანადო დაფასების მიზნით“.
„გრანტის მართვის სააგენტო“ მთავრობის მიერ 2024 წელს შეიქმნა და მისი საქმიანობა გრანტების ადმინისტრირებასა და შესაბამის პროცედურებთან არის დაკავშირებული.
