გორში, რუსეთის მოქალაქეს მოტოციკლიდან რუსეთის დროშა მოუხსნეს. ინფორმაციას შიდა ქართლის საინფორმაციო ცენტრი ავრცელებს. როგორც ტურისტი ყვება, დროშის მოხსნისას ანტენა მოტყდა. აღნიშნულ ფაქტზე კრიმინალური პოლიციის თანამშრომლებმა გამოძიება დაიწყეს.
ადგილობრივი გამოცემის ინფორმაციით, პოლიციელებმა ტურისტი დასაკითხად და ჩვენების მისაცემად პოლიციაში წაიყვანეს.
გავრცელებული ინფორმაციით, დროშა მოტოციკლს „ნაციონალური მოძრაობის“ აქტივისტებმა ლევან ქობოზაშვილმა და როინ ლომიძემ მოხსნეს. აქტივისტების თქმით, აღნიშნული ქმედებით რუსეთის ოკუპაცია გააპროტესტეს.
https://www.youtube.com/watch?v=OrJS6pxk3K8&feature=youtu.be