გორში სამხედრო მოსამსახურე მოკლეს, კვალის დაფარვის მიზნით კი ბოროტმოქმედმა ხანძარი გააჩინა. სოციალურ საერთო საცხოვრებელში მეზობლების ყურადღება ბინიდან მომავალმა კვამლმა მიიქცია. მეხანძრე მაშველებმა კარის გატეხვა ვერ შეძლეს და ბინაში ფანჯრიდან გადავიდნენ. მათ იატაკზე დაღუპული ჯარისკაცის ნახევრად დამწვარი ცხედარი დახვდათ. მომხდარზე ახალგაზრდა ქალია დაკავებული, რომელიც გორის პოლიციაში საკუთრი ნებით გამოცხადდა. მან აღიარა დანაშაული.
