გორში ცაბაძის ქუჩაზე ახალგაზრდა მამაკაცი დაჭრეს. თვითმხილველების განცხადებით, მას ჭრილობა ცივი იარაღით მიაყენეს.
“ქუჩაში მოდიოდა კაცი, რომელსაც ველოსიპედით მოძრავი ადამიანი მიუახლოვდა და ზურგში დანა ჩაარტა. მერე ისევ ველოსიპედით გაიქცა”, – განაცხადეს თვითმხილველებმა.
დაჭრილი ადგილობრივებმა საავადმყოფოში გადაიყვანეს. ადგილზე საპატრულო და კრიმინალური პოლიციის თანამშრომლები მუშაობენ.