გორის სამხედრო ჰოსპიტლიდან ლუგარის ლაბორატორიაში გაგზავნილი 6 ნიმუშიდან კორონავირუსი არც ერთს დაუდასტურდა. აქედან 2 განმეორებით გაიგზავნა.
გორიდან ლუგარში დღემდე სულ 21 ნიმუშია გაგზავნილი და ყველა უარყოფითია. ამჟამად სამხედრო ჰოსპიტალის საკარანტინო სივრცეში 49 პაციენტია მოთავსებული. აქედან 45 საქართველოს მოქალაქე, რომელთა შორის 10 სამხედრო მოსამსახურეა, 4 კი აზერბაიჯანისა და ბულგარეთის მოქალაქეები არიან.
საკარანტინო სივრცეში მოთავსებული ყველა ადამიანის მდგომარეობა დამაკმაყოფილებელია, გართულებების და განსაკუთრებული ჩარევის საჭიროების გარეშე.
დღემდე ჰოსპიტალის საკარანტინო სივრცე 10 ადამიანმა დატოვა.