გორის ჰოსპიტალში მიხეილ სააკაშვილის ვიდეოჩაწერის კანონიერების შესასწავლად, ომბუდსმენმა ინსპექტორის სამსახურს მიმართა

სახალხო დამცველის განცხადებით, მიხეილ სააკაშვილის გორის ჰოსპიტალში განთავსების პირობები და გატარებული უსაფრთხოების ღონისძიებები ომბუდსმენის რწმუნებულებმა 20 ნოემბერს შეამოწმეს, რის შედეგადაც გარკვეული საკითხები გამოვლინდა.

კერძოდ, საუბარია სასეირნო სივრცისა და ფანჯარასთან დაკავშირებულ პრობლემებზე, სამედიცინო მანიპულაციებზე უსაფრთხოების თანამშრომლების დაკვირვებასა და ვიდეოჩაწერაზე.

“მიხეილ სააკაშვილის განთავსების პირობები და გატარებული უსაფრთხოების ღონისძიებები სახალხო დამცველის რწმუნებულებმა 2021 წლის 20 ნოემბერს უკვე შეამოწმეს. პირველადი შემოწმების საფუძველზე გამოვლინდა გარკვეული საკითხები (დასახელდა სასეირნო სივრცისა და ფანჯარასთან დაკავშირებული პრობლემები, სამედიცინო მანიპულაციების ნაწილზე უსაფრთხოების თანამშრომლების დაკვირვება, ვიდეოჩაწერა), რასთან დაკავშირებითაც შედგა მყისიერი კომუნიკაცია შესაბამის უფლებამოსილ პირებთან. ერთ ეპიზოდში ვიდეოჩაწერის კანონიერების შესწავლის მიზნით, სახალხო დამცველის აპარატმა უკვე მიმართა სახელმწიფო ინსპექტორის სამსახურს. პირობებთან დაკავშირებით დასახელებული საკითხების შესახებ სახალხო დამცველის რწმუნებულებმა პენიტენციური სამსახურის წარმომადგენლებისგან მიიღეს შესაბამისი რეაგირების პირობა, რისი შედეგებიც ასევე შემოწმდება გონივრულ ვადაში”, – ნათქვამია განცხადებაში.

წინა სტატიაშიხვალიდან იგეგმება საკვების მიცემა, გაწერაზე ჯერ ადრეა საუბარი – ხოშტარიას ექიმი
შემდეგი სტატიაცერცვაძე – საქართველოში კორონავირუსით მაღალი სიკვდილობის მიზეზი არ არის კლინიკური მართვის არასათანადო ხარისხი, ამ თემაზე სპეკულაციებს ვერ დავუშვებთ