გოგირდის აბანოების ხელმძღვანელობამ და თანამშრომლებმა წყლის კომპანიის მიერ დადგენილ ახალი ტარიფი კიდევ ერთხელ გააპროტესტეს.
დღეს მათ გამაფრთხილებელი აქცია კომპანია GWP- ს ოფისთან გამართეს. მათ ტერიტორიაზე სიმბოლურად გოგირდის წყალი მიიტანეს და ოფისთან დაღვარეს, რის შემდეგაც წყლის სიმბოლური ღირებულება ორი თეთრი ადგილზე დატოვეს.
თბილისის აბანოები გადასახადის შემცირებას და დავალიანების ჩამოწერას ითხოვს. Georgian Water & Power-ში კომენტარი არ გააკეთეს.
