გოგინავა: “ომიკრონი” უფრო მეტად ზემო სასუნთქ გზებში ვრცელდება

კარგი ინფორმაცია, რასაც კვლევებიც ადასტურებს და მეტ-ნაკლებად ჩვენი პრაქტიკული გამოცდილებაც არის ის, რომ „ომიკრონს“ აგრესიული კლინიკური მიმდინარეობა არ ახასიათებს. ის უფრო მეტად ვრცელდება ზემო სასუნთქ გზებში და ნაკლებად ვრცელდება ფილტვებში, – ამის შესახებ ინფექციონისტმა, ალექსანდრე გოგინავამ განაცხადა.

„ვიცით, რომ კოვიდის სიმძიმე ძირითადად განპირობებულია ფილტვების დაზიანებით. მაგრამ ეს შტამი ისე არ უნდა აღვიქვათ, რომ მას საერთოდ არ აქვს უნარი დააზიანოს ფილტვები და გამოიწვიოს მძიმე დაავადება. აქ საუბარია დელტა შტამთან შედარებით, ამიტომ „ომიკრონი“ მაინც საყურადღებო შტამად რჩება, რადგან მას სწრაფი გავრცელება ახასიათებს. ასევე შეუძლია ჩამოყალიბებულ იმუნიტეტს გვერდი აუაროს და დააინფიციროს ადამიანი, რომელმაც უკვე ვირუსი გადაიტანა“, – აღნიშნა ალექსანდრე გოგინავამ.

წინა სტატიაშიუცხოური ვალუტის ოფიციალური კურსი 13 იანვრისთვის
შემდეგი სტატიაბორელი: რუსეთი არღვევს ფუნდამენტურ პრინციპებს უკრაინაში, ისევე როგორც ეს გააკეთა საქართველოში