გლდანში ერთ-ერთ საცხოვრებელ სახლში მოქალაქის გარდაცვალების შესახებ შინაგან საქმეთა სამინისტრომ გამოძიება 240 პრიმა მუხლის მე-2 ნაწილით დაიწყო, რაც გულისხმობს უსაფრთხოების წესების დარღვევას, რასაც მოჰყვა ადამიანის სიცოცხლის მოსპობა. შემთხვევის შედეგად გარდაცვლილია 1986 წელს დაბადებული მამაკაცი, მეორე დაშავებული გადაყვანილია საავადმყოფოში და უტარდება მკურნალობა.