გლდანში, დოდო აბაშიძის ქუჩაზე საგზაო სამუშაოები სრულდება

გლდანის რაიონის გამგეობა დოდო აბაშიძის ქუჩაზე საგზაო სამუშაოებს ასრულებს.

ინფრასტრუქტურული სამუშაოების ფარგლებში, ასფალტის საფარი დაახლოებით, 15 000 კვადრატულ მეტრ ფართობზე იგება და პროექტისთვის ჯამში, დაახლოებით, 848 025 ლარი დაიხარჯება.

აღნიშნულ მისამართზე გრუნტის გზა იყო. სამუშაოების შედეგად კი, მოსახლეობა მოწესრიგებული გზით ისარგებლებს. ავჭალა 2-ში, დოდო აბაშიძის ქუჩაზე საგზაო სამუშაოების დაწყებამდე, ქალაქ თბილისის მერიის ინფრასტრუქტურის განვითარების საქალაქო სამსახურის მიერ 1 140 გრძივ მეტრზე მოეწყო სანიაღვრე ქსელი, რისთვისაც 940 000 ლარამდე დაიხარჯა.

მიმდინარე სამუშაოებს გლდანის რაიონის გამგებელი ლევან ნაროუშვილი საკრებულოს მაჟორიტარ დეპუტატ კონსტანტინე ზარნაძესთან ერთად გაეცნო.

banner
წინა სტატიაშიგაბუნია – მნიშვნელოვანია „ბუსტერ დოზის” გაკეთება და პირველ აცრებზე მოქალაქეების ჩართულობა
შემდეგი სტატიააზარტული და მომგებიანი ონლაინ თამაშების სფეროში ახალი რეგულაციები შემოდის