სპეციალური საგამოძიებო სამსახურის ცნობით, პენიტენციურ დაწესებულებაში პატიმარმა თავი მოიკლა. გამოძიება პენიტენციური სამსახურის ცალკეული თანამშრომლების მხრიდან სამსახურებრივი მოვალეობის შეუსრულებლობის ან/და არაჯეროვნად შესრულების ფაქტზე დაიწყო.
“სპეციალური საგამოძიებო სამსახური შემჭიდროებულ ვადებში ჩაატარებს ყველა საჭირო საგამოძიებო და საპროცესო მოქმედებას” – ნათქვამია განცხადებაში.
