გივი მიქანაძე აცხადებს, რომ საპარლამენტო უმრავლესობის ლიდერის თანამდებობას სავარაუდოდ მამუკა მდინარაძე დაიკავებს

საპარლამენტო უმრავლესობის ლიდერის თანამდებობას სავარაუდოდ მამუკა მდინარაძე დაიკავებს. როგორც ჟურნალისტებს პარლამენტის განათლების კომიტეტის თავმჯდომარემ, გივი მიქანაძემ განუცხადა, საპარლამენტო უმრავლესობის ლიდერის თაობაზე ოფიციალური განცხადება გაკეთდება, თუმცა ლოგიკურია, რომ ეს პოზიცია მამუკა მდინარაძემ დაიკავოს.

მისი თქმით, ამ დროისთვის, მამუკა მდინარაძეს ფრაქცია „ქართული ოცნების“ თავმჯდომარის თანამდებობა უკავია და მის მიერ უმრავლესობის ლიდერის პოზიციის დაკავება სამართლებრივად წინააღმდეგობრივი არ არის.

„ეს არ არის ხელშემშლელი და ლოგიკურია, რომ სწორედ ასე მოხდეს ფუნქციათა გადანაწილება, თუმცა გუნდის ხელმძღვანელობა განცხადებას თავად გააკეთებს“, – განაცხადა მიქანაძემ.

banner
წინა სტატიაშიანალიტიკოსების შეფასება და მოსალოდნელი ფასი – თიბისის ციფრულ ბანკში საინვესტიციო პლატფორმას 2 ახალი ფუნქციონალი დაემატა
შემდეგი სტატიაკახა კალაძე – მადლობა შს მინისტრს წერეთლის გამზირის რეაბილიტაციის პროცესში თანადგომისთვის