სომხეთში, ქალაქ გიუმრიში განლაგებული რუსეთის 102-ე სამხედრო ბაზის ასამდე სამოქალაქო მოსამსახურემ გაფიცვა გამოცხადა და სამსახურში არ გამოცხადდა. ისინი მოითხოვენ 3 თვის სახელფასო დავალიანების დაფარვას.
გაფიცულებს დღეს სურდათ სამხედრო ბაზის ხელმძღვანელობასთან შეხვედრა, თუმცა უშედეგოდ.
„ჩვენ არ ვმათხოვრობთ, ჩვენ ვითხოვთ დამსახურებულ ანაზღაურებას“, – აცხადებენ გაფიცულები.
გიუმრიში მცხოვრები სომხეთის მოქალაქეები კონტარქტით ემსახურებიან რუსეთის სამხედრო ბაზის საცხოვრებელ კომპლექსს. ისინი შიშობენ, რომ მომავალში მათ უარს ეტყვიან სამსახურის გაგრძელებაზე.