საქართველოს ყოფილი პრეზიდენტის, მიხეილ სააკაშვილის დედა გიული ალასანია და შვილი, ედუარდ სააკაშვილი ბრიუსელში, ევროპარლამენტის შენობაში იმყოფებიან.
როგორც მათ ჟურნალისტებს განუცხადეს, დაესწრებიან დღეს ევროპარლამენტში დაგეგმილ დებატებს, რომელიც საქართველოს, უკრაინისა და მოლდოვისთვის კანდიდატის სტატუსის მინიჭების თემას შეეხება.
მათივე თქმით, დებატების შემდეგ, შეხვედრებს გამართავენ ევროპარლამენტის წევრებთან. როგორც გიული ალასანიამ და ედუარდ სააკაშვილმა აღნიშნეს, შეხვედრები დაგეგმილია თითქმის ყველა ევროპარლამენტართან, რომლებიც საქართველოს საკითხზე მუშაობენ.
