,,გირჩი”- ის არის განახლების სიმბოლო

news
ავტ.: news ნოემბერი 5, 2015 15:56 განახლებულია

,,გირჩი”- ის არის განახლების სიმბოლო

მნიშვნელოვანი

  • გირჩი ყველგან არის, სოფელშიც და ქალაქშიც - ამის შესახებ ახალი პოლიტიკური ცენტრის - "გირჩის" ერთ-ერთმა წარმომადგენელმა, გოგა ხაჩიძემ პარტიის სახელწოდების განმარტებისას განუცხადა.

სხვა სტატიები

გირჩი ყველგან არის, სოფელშიც და ქალაქშიც – ამის შესახებ ახალი პოლიტიკური ცენტრის – “გირჩის” ერთ-ერთმა წარმომადგენელმა, გოგა ხაჩიძემ პარტიის სახელწოდების განმარტებისას განუცხადა.
მისი თქმით, პოლიტიკური ცენტრის სახელწოდება მისი წარმომადგენლების ერთობლივი იდეაა.
“გირჩი ასოცირდება სიახლესთან, მარადმწვანესთან, საწყისთან. ის არის განახლების სიმბოლო. მრავალმხრივი განშტოება აქვს, მაგრამ ერთი ერთობლიობაა. ყველგან არის გირჩი – ქალაქშიც, სოფელშიც”, – განაცხადა გოგა ხაჩიძემ.
ქუთაისში “ახალი პოლიტიკური ცენტრის-გირჩის” ოფისი დღეს გაიხსნა. “ახალი პოლიტიკური ცენტრის” ხელმძღვანელებმა დღეს მედიას ცენტრის ძირითადი მიმართულებები და სამომავლო გეგმები გააცნეს.
“პარტიის მიზანია შექმნას ახალი, ღია პოლიტიკური ცენტრი, მოიზიდოს და პოლიტიკურ პროცესში ჩართოს პროფესიონალები. ახალი პოლიტიკური ცენტრი გთავაზობთ: აქტიურ პოლიტიკაში ჩართვის შესაძლებლობას; ღია და თავისუფალ საპარლამენტო სიას 2016 წლის საპარლამენტო არჩევნებისთვის, სადაც არ დაგხვდებათ წინასწარ ჩამოწერილი ხალხი; სიაში მოხვედრის გასაგებ და გამჭვირვალე კრიტერიუმებს – რაც არასოდეს ჰქონია საქართველოში რომელიმე პოლიტიკურ პარტიას. იდეებისა და ინიციატივების საპარლამენტო მხარდაჭერას მომდევნო ერთი წლის განმავლობაში; მედია მხარდაჭერას; სწავლისა და განვითარების შესაძლებლობას”, – აცხადებენ ცენტრის ხელმძღვანელები.
ქუთაისი პირველი ქალაქია, სადაც ,,ახალი პოლიტიკური ცენტრის” ოფისი გაიხსნა.

news
ავტ.: news ნოემბერი 5, 2015 15:56 განახლებულია

Google სტატისტიკა


3,536
ვიზიტორი
დღეში
Powered By Google Analytics