რუსთაველის გამზირზე აქციის მონაწილეებთან მისული გიორგი ვაშაძე მედიასთან განცხადებას აკეთებდა, რა დროსაც მასთან მივიდა საპატრულო პოლიციელის წარმომადგენელი, რომელმაც მიმდებარე ტერიტორიიდან ავტომობილის გაყვანა მოსთხოვა. ვაშაძის თქმით, მან სამართალდამცველებს სთხოვა, რომ საგანგებო ვითარებიდან გამომდინარე ცოტა ხნით გააჩერებდა მანქანას, რაც მისი თქმით, პოლიციის თანამშრომლებმა არ გაითვალისწინეს. საბოლოოდ უთანხმოება დასრულდა იმით, რომ სამართალდამცავებმა გიორგი ვაშაძე დააჯარიმეს, ავტომობილი კი ევაკუატორით საჯარიმოზე გადაიყვანეს.