„ძლიერი საქართველო – ლელოს“ წარმომადგენლის, გიორგი სიორიძის განცხადებით, მმართველ გუნდს ოპოზიციური პარტიების გასაუქმებლად არანაირი სამართლებრივი არგუმენტი არ გააჩნია და მისი მიზანი დიქტატურის გაფორმებაა.
სიორიძის თქმით, საკონსტიტუციო სასამართლოში მიმდინარე სხდომებმა ნათლად გამოაჩინა ხელისუფლების სურვილი, ჩამოიშოროს ყველა განსხვავებულად მოაზროვნე სუბიექტი თუ მოქალაქე.
„დღევანდელ დღეს ჩვენ გვქონდა პასუხი. „ოცნებას“ არ აქვს სამართლებრივი არგუმენტი, რაც კიდევ ერთხელ ადასტურებს მიზანს — ივანიშვილის პოლიტიკურ გუნდს სურს პოლიტიკური ოპოზიციის აკრძალვა და დიქტატურის გაფორმება, ჩამოიშოროს გზიდან ვინც მის წინააღმდეგაა“, — აცხადებს გიორგი სიორიძე.

















