პარტია “საქართველოსთვის” ერთ-ერთმა ლიდერმა, გიორგი შარაშიძემ აშშ-ის დელეგაციასთან შეხვედრის შემდეგ განაცხადა, რომ ამერიკელი პარტნიორები ყურადღებით აკვირდებიან საქართველოში დემოკრატიის მდგომარეობას და ხელისუფლებისგან მხოლოდ განცხადებებს კი არა, კონკრეტულ ქმედებებს ელიან.
შარაშიძის განმარტებით, შეხვედრაზე საუბარი შეეხო საპარლამენტო მუშაობას და ოპოზიციის მიერ მომზადებულ რეზოლუციას, რომელიც ოკუპირებულ ცხინვალის რეგიონში რუსეთის ქმედებებს აპროტესტებს.
მისივე შეფასებით, თუ მმართველი გუნდი დემოკრატიულ გზას არ დაუბრუნდება, აშშ-სა და საქართველოს შორის სტრატეგიული თანამშრომლობის აღდგენის მოლოდინი არ უნდა არსებობდეს.
