გიორგი მღებრიშვილი საგანგებო სიტუაციების მართვის ცენტრს უხელმძღვანელებს

საქართველოს შს მოქმედი მინისტრი გიორგი მღებრიშვილი საგანგებო სიტუაციების მართვის ცენტრს უხელმძღვანელებს.

ამის შესახებ საქართველოს პრემიერ-მინისტრმა გიორგი კვირიკაშვილმა საგანგებო ბრიფინგზე განაცხადა.

„ცვლილებების თანახმად, საგანგებო სიტუაციების მართვის სააგენტოსა და სახელმწიფო უსაფრთხოებისა და კრიზისების მართვის საბჭოს შერწყმისა და რეორგანიზაციის შედეგად იქმნება საგანგებო სიტუაციების მართვის ცენტრი და მას უხელმძღვანელებს გიორგი მღებრიშვილი.

ეს უნდა იყოს ოპერატიული ფუნქციებით და შესაბამისი ინფრასტრუქტურით აღჭურვილი აპარატი, რომელიც პირდაპირ პრემიერს დაექვემდებარება.

გიორგი მღებრიშვილი, მისი გამოცდილებით იქნება ამ სტრუქტურის კარგი ხელმძღვანელი“,- განაცხადა პრემიერმა.

banner
წინა სტატიაშისპორტისა და ახალგაზრდობის საქმეთა სამინისტრო უქმდება
შემდეგი სტატიაევროინტეგრაციის სახელმწიფო აპარატი საგარეო საქმეთა სამინისტროს უერთდება