საქართველოს შინაგან საქმეთა მინისტრი გერმანიაში ვიზიტს განაგრძობს. გიორგი მღებრიშვილი ფედერალური მიწების შინაგან საქმეთა მინისტრებს ხვდება.
მხარეებმა ორგანიზებულ დანაშაულთან ბრძოლის გამოცდილების შესახებ ინფორმაცია გაცვალეს. განიხილეს შემთხვევები, როდესაც საქართველოს მოქალაქეები დევნის მოტივით გერმანიაში თავშესაფრის მიღების პროცედურას არაკეთილსინდისიერი მიზნებისთვის იყენებენ. ამ პრობლემასთან გასამკლავებლად უწყებების ხელმძღვანელები ერთობლივ მუშაობაზე შეთანხმდნენ.