გიორგი მარგველაშვილმა NDI-ს წარმომადგენლებთან შეხვედრაზე წინასაარჩევნო გარემო განიხილა

თაიმერი timer.ge
ავტ.: თაიმერი timer.ge ნოემბერი 27, 2018 19:50

გიორგი მარგველაშვილმა NDI-ს წარმომადგენლებთან შეხვედრაზე წინასაარჩევნო გარემო განიხილა

საქართველოს პრეზიდენტი გიორგი მარგველაშვილი საპრეზიდენტო არჩევნების მეორე ტურამდე ერთი დღით ადრე ეროვნულ-დემოკრატიული ინსტიტუტის (NDI) წინასაარჩევნო დელეგაციის წევრებს შეხვდა. გიორგი მარგველაშვილმა სადამკვირვებლო მისიის წარმომადგენლებისგან საარჩევნო პროცესის შეფასებებისა და არჩევნების დღეს მისიის მიერ დაგეგმილი აქტივობების შესახებ ინფორმაცია მიიღო.

„ტრადიციულად, დიდია ჩვენი საერთაშორისო პარტნიორების მხრიდან ინტერესი, თუ როგორ ჩაივლის საპრეზიდენტო არჩევნები, ამ შემთხვევაში საპრეზიდენტო არჩევნების მეორე ტური. ყველა სადამკვირვებლო ორგანიზაცია აღნიშნავს, რომ მათ აქვთ დიდი მოლოდინი და იმედი იმისა, რომ ეს იქნება დემოკრატიის კონსოლიდაციისკენ გადადგმული ნაბიჯი და არა პირიქით. ამისათვის, რა თქმა უნდა, ძალიან მნიშვნელოვანია, რომ ყველამ ხვალინდელი დღე წარმოიდგინოს, როგორც ქვეყნისთვის მნიშვნელოვანი და იმუშაოს, რომ ჩატარებული არჩევნები მაქსიმალურად ახლოს იყოს საერთაშორისო სტანდარტებთან, იყოს მშვიდობიანი, სამართლიანი; პოლარიზების მაღალი ხარისხი, რომელიც შეიმჩნეოდა წინასაარჩევნო პერიოდში დამთავრდეს არჩევნებთან ერთად და ქვეყანამ განაგრძოს ერთობლივი ძალებით წინსვლა“, – განაცხადა შეხვედრის დასრულების შემდეგ პრეზიდენტის საპარლამენტო მდივანმა ანა ნაცვლიშვილმა.

თაიმერი timer.ge
ავტ.: თაიმერი timer.ge ნოემბერი 27, 2018 19:50