გიორგი მარგველაშვილი : მხარდაჭერას ვუცხადებ ზაზა სარალიძეს, რომელიც ირინა ენუქიძის მსგავსად, იცავს ჩვენი შვილების სიცოცხლეს

თაიმერი timer.ge
ავტ.: თაიმერი timer.ge ოქტომბერი 16, 2018 12:42

გიორგი მარგველაშვილი : მხარდაჭერას ვუცხადებ ზაზა სარალიძეს, რომელიც ირინა ენუქიძის მსგავსად, იცავს ჩვენი შვილების სიცოცხლეს

მხარდაჭერასა და თანადგომას ვუცხადებ ზაზა სარალიძეს, რომელიც ირინა ენუქიძის მსგავსად, იცავს ჩვენი შვილების სიცოცხლეს, – ამის შესახებ საქართველოს პრეზიდენტმა გიორგი მარგველაშვილმა ბრიფინგზე განაცხადა.

როგორც პრეზიდენტმა განაცხადა, საზოგადოებაში ჩნდება განცდა, რომ სახელმწიფო ინსტიტუტების შესუსტება მისულია იმ დონემდე, რომ საფრთხე ექმნება ადამიანის უფლებების, თავისუფლებების, კანონიერებისა და ქონების უფლების სახელმწიფოს მიერ ეფექტურ დაცვას.

„უნდა გამოვეხმაურო ხორავას ქუჩაზე განვითარებული მოვლენების აქტიურ პოლიტიკურ დისკუსიას. არ შემიძლია არ დავიწყო იმით, რომ კიდევ ერთხელ ჩემი თანადგომა და მხარდაჭერა გამოვუცხადო ზაზა სარალიძეს. ირინა ენუქიძის მსგავსად, ის იცავს ჩვენი შვილების სიცოცხლეს. ტრაგიკულია, რომ ათი წლის თავზე, იმ ტრაგედიიდან, რომელმაც შეძრა ქართული საზოგადოება, დღეს დედაქალაქის მთავარ გამზირზე, იგივე მოთხოვნით, იგივე ტრაგედიის საზოგადოებისთვის გაზიარებით დგას შვილმკვდარი მშობელი.

ამ ვითარებაზე გამართული პოლიტიკური დებატები და შეფასებები კიდევ უფრო გაუგებარ განცდას ტოვებს საზოგადოებაში. არ ვაკეთებ კომენტარს ფარულ ჩანაწერებზე, კომენტარს ვაკეთებ პოლიტიკურ რეაქციებსა და შეფასებებზე, რომელიც ამას მოჰყვება. იმ განცდაზე, რაც არის საზოგადოებაში. საზოგადოებაში ჩნდება განცდა, რომ სახელმწიფო ინსტიტუტების შესუსტება მისულია იმ დონემდე, რომ საფრთხე ექმნება ადამიანის უფლებების, თავისუფლებების, კანონიერებისა და ქონების უფლების სახელმწიფოს მიერ ეფექტურ დაცვას“, – განაცხადა გიორგი მარგველაშვილმა.

თაიმერი timer.ge
ავტ.: თაიმერი timer.ge ოქტომბერი 16, 2018 12:42