ყოფილმა პრეზიდენტმა გიორგი მარგველაშვილმა კომენტარი არ გააკეთა გავრცელებულ ინფორმაციაზე, რომლის თანახმადაც, შესაძლოა, „ნაციონალური მოძრაობის“ თავმჯდომარე გახდეს.
„ეს ფორმატი, რომ წინასწარ მითანხმდებით, აუცილებლად უნდა დავიცვათ. ეს გითხარით, შესაბამისად, ამ ფორმატს არ შევცვლი და როდესაც წინასწარ დამირეკავთ, შევთანხმდებით, აუცილებლად – არასდროს არ გვქონია პრობლემა თანამშრონლობის“, – განუცხადა ყოფილმა პრეზიდენტმა დუშეთში, მის სახლთან მისული მედიის წარმომადგენლებს.
ამასთან, როდესაც ჟურნალისტებმა მას რამდენიმე შეკითხვა დაუსვეს, მარგველაშვილმა აღნიშნა: „ამ ფორმატს მე არ გადავუხვევ, რა კითხვაც არ უნდა იყოს“.
დღეს მედიით გავრცელდა ინფორმაცია, რომლის თანახმადაც, ყოფილმა პრეზიდენტმა, გიორგი მარგველაშვილმა ასევე ყოფილი პრეზიდენტისგან, მიხეილ სააკაშვილისგან „ნაციონალური მოძრაობის“ თავმჯდომარეობის შეთავაზება მიიღო.
