გიორგი მარგველაშვილი ხვალ ბაქოში გაემგზავრება

საქართველოს პრეზიდენტი გიორგი მარგველაშვილი ბაქოს IV გლობალურ ფორუმში მონაწილეობის მისაღებად ხვალ აზერბაიჯანში გაემგზავრება.

პრეზიდენტის ადმინისტრაციის ინფორმაციით, ბაქოს IV გლობალურ ფორუმზე – “მრავალპოლარული მსოფლიოსაკენ”, რომელიც ნიზამი განჯევის საერთაშორისო ცენტრის ორგანიზებით იმართება, გიორგი მარგველაშვილი 70-ზე მეტი ქვეყნის მოქმედ და ყოფილ ლიდერს სიტყვით მიმართავს.

მათივე ინფორმაციით, საქართველოს პრეზიდენტი ფორუმზე სიტყვით გამოსვლისას ყურადღებას გაამახვილებს რეგიონში არსებულ გამოწვევებზე, დასავლეთისა და აღმოსავლეთის ურთიერთობებზე, რეგიონში მოქმედ პროექტებზე, საქართველოს საინვესტიციო მიმზიდველობაზე და საქართველოს ტერიტორიების დეოკუპაციის აუცილებლობაზე.

საქართველოს პრეზიდენტი ბაქოში აზერბაიჯანის პრეზიდენტს ილჰამ ალიევს შეხვდება. ასევე დაგეგმილია პირისპირ შეხვედრები სხვადასხვა ქვეყნების პრეზიდენტებთან.

banner
წინა სტატიაშიგორის რაიონის სოფელ საქაშეთში კომპლექსური ჩხრეკა მიმდინარეობს
შემდეგი სტატიააშშ: ყოფილი მისიონერი პედოფილიის გამო ციხეში ჩასვეს