პრემიერ-მინისტრობის კანდიდატმა გიორგი კვირიკაშვილმა მთავრობის ახალ შემადგენლობაზე ჩამოსაყალიბებლად ორი დღე ითხოვა. ალბათ, ორშაბათისთვის გვექნება შესაძლებლობა, მთავრობის ახალი შემადგენლობა წარვადგინოთ, – ამის შესახებ ჟურნალისტებს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ ეკა ბესელიამ საპარლამენტო უმრავლესობის სხდომის დასრულების შემდეგ განუცხდა.
“გარკვეული ცვლილებები იქნება, თუმცა არა მასშტაბური. შეიძლება იყოს რამდენიმე ცვლილება და ამისთვის ორი დღე ითხოვა პრემიერობის ახალმა კანდიდატმა. მან თქვა, რომ ის კონსულტაციებით, მათ შორის, მოქმედ პრემიერ-მინისტრ ირაკლი ღარიბაშვილთან ერთად, ჩამოყალიბდება მთავრობის ახალ შემადგენლობაზე”, – განაცხადა ეკა ბესელიამ.
